Գործընկերներ

«Գործընկերներ» բաժնում կարող եք ավելացնել և դիտել հաճախորդի վերաբերյալ տվյալները։

Հիմնական մենյուից ընտրեք «Գործընկերներ» բաժինը։

Բացված պատուհանում կտեսնեք գործընկերների վերաբերյալ հետևյալ տվյալները

• Գործընկերոջ անվանումը
• Տնօրենի տվյալները
• ՀՎՀՀ (հարկային հաշիվ)
• Խմբագրվել է
• Գործողություններ

Գործընկերոջը գտնելու համար օգտվեք «Որոնման»  դաշտից և պատուհանի վերին ձախ անկյունում գրեք նրա անվանումը։

Ինչպե՞ս ավելացնել գործընկեր

Հիմնական մենյուից ընտրեք «Գործընկերներ» բաժինը։

Բացված պատուհանի վերին աջ անկյունում սեղմեք «+Ավելացնել գործընկեր» կոճակը։

Բացված պատուհանում լրացրեք գործընկերոջ վերաբերյալ տվյալները։
Աստղանիշով դաշտերը լրացնելը պարտադիր է:

Պարտադիր և լրացվող դաշտեր

• Մասնաճյուղ – ընտրեք Ձեր գործընկերոջ մասնաճյուղը
  
• Անվանում – գործընկերոջ անվանումը
  

Լրացվող (ցանկալի) դաշտեր

• Իրավաբանական անվանում
  
• ՀՎՀՀ տվյալներ
  
• Գործունեության հասցե
  
• Մատակարարման հասցե
  
• Պայմանագրի ամսաթիվ
  
• Պայմանագրի համար
  
• Բանկ
  
• Հաշվեհամար (Հ/Հ)
  
• Հեռախոս, բջջային
  
• Տնօրեն
  
• Կատեգորիա
  
• Նկարագրություն
  
• Հաճախորդի զեղչ
  
• Դեբետ լիմիտ
• Երկիր
• Մարզ
• Քաղաք
• Հասցե

Գործունեության հասցե

«Գործունեության հասցե» դաշտը լրացնելուն պես, կից քարտեզի վրա ավտոմատ կնշվի գործընկերոջ գործունեության վայրը։
Հասցեն կարող եք փոփոխել՝ քարտեզի վրա տեղաշարժելով տեղանշանը։
Հասցեն հնարավոր է նշել նաև՝ քարտեզի վրա մկնիկի կրկնակի սեղմումով, ապա անհրաժեշտության դեպքում փոխել տեղանշանի դիրքը։

Քարտեզը հասանելի է 3 եղանակով՝

1. Քարտեզի տեսքով
   
2. Արբանյակային տեսքով
3. Street View տարբերակով

«Հաճախորդի զեղչ» դաշտը հնարավորություն է տալիս նշել գործընկերոջ համար սահմանված զեղչը՝ ըստ վճարման եղանակի։

«Դեբետ լիմիտ» դաշտում կարող եք սահմանել հաճախորդի համար թույլատրելի պարտքի սահմանաչափը։ Եթե այն գերազանցվի, ապա հաճախորդի տվյալները
«Տեղեկատու» →«Հաճախորդների պարտքեր» ենթաբաժնում կնշվեն կարմիր գույնով։

‍

Դաշտերը լրացնելուց հետո՝

• Սեղմեք «Ստեղծել», որպեսզի գործընկերը ավելացվի։
• Սեղմեք «Չեղարկել», եթե չեք ցանկանում պահպանել տվյալները։

Ինչպե՞ս խմբագրել գործընկերոջ տվյալները և տեսնել մանրամասները

«Գործընկերներ» բաժնում կարող եք ոչ միայն ավելացնել, այլև խմբագրել գործընկերոջ տվյալները, դիտել մանրամասները և ծանոթանալ քաղվածքներին։

Հիմնական մենյուից ընտրեք «Գործընկերներ» բաժինը։

Բացված պատուհանում, գործընկերոջ անվան տողում սեղմեք «Խմբագրել» կոճակը։

«Տվյալների խմբագրում» ենթաբաժնում փոփոխեք անհրաժեշտ դաշտերը։

Սեղմեք՝

• «Պահպանել»՝ փոփոխությունները պահպանելու համար,
  
• «Չեղարկել»՝ առանց պահպանման դուրս գալու համար։

Գործընկերոջ վերաբերյալ մանրամասները տեսնելու համար նրա անվան տողում սեղմեք «Դիտել» կոճակը։

Գործընկերոջ վերաբերյալ վերջին 90 օրվա քաղվածքները տեսնելու համար, գործընկերոջ անվան տողում սեղմեք «Քաղվածք» կոճակը։

Ինչպե՞ս ավելացնել գործընկերների տվյալները XLSX ֆորմատով

Եթե գործընկերների վերաբերյալ տվյալները  XLSX ֆորմատով են, կարող եք դրանք արագ վերբեռնել համակարգ։

Հիմնական մենյուից ընտրեք «Գործընկերներ» բաժինը։

Բացված պատուհանի վերին աջ անկյունում սեղմեք «Վերբեռնել» կոճակը։

Բացված պատուհանում սեղմեք «Ընտրել ֆայլը» (.xlsx) կոճակը և ընտրեք Ձեր համակարգչից համապատասխան ֆայլը։

Սեղմեք «Ներբեռնել» կոճակը և ծանոթացեք XLSX ֆորմատով ֆայլի օրինակին։

Վերջում սեղմեք «Վերբեռնել», որպեսզի ֆայլը բեռնվի համակարգ։

Կատարված գործողությունները չեղարկելու համար սեղմեք «Չեղարկել» կամ X կոճակը։