Ապրանքներ

«Ապրանքներ» բաժնում կարող եք՝ ավելացնել Ձեր ապրանքները, տեսնել ապրանքների մանրամասները և թարմացումները, խմբագրել ապրանքների տվյալները կամ ջնջել դրանք և խմբավորել ապրանքները թղթապանակներում։

Հիմնական մենյուից ընտրեք «Ապրանքներ» բաժինը։ Բացված պատուհանում կտեսնեք ապրանքների և թղթապանակների տվյալները՝

• Գլխավոր նկար – ապրանքի կամ թղթապանակի նկարը
• Անվանում – ապրանքի կամ թղթապանակի անունը
• Տեսակ – ապրանք կամ թղթապանակ
• Քանակ – առկա քանակը
• Գին – աճման կամ նվազման կարգով
• Խմբագրվել է – վերջին փոփոխության ամսաթիվը
• Գործողություններ – այստեղ կարող եք
  
  • Խմբագրել ապրանքը կամ թղթապանակը
  • Ջնջել ապրանքը կամ թղթապանակը

Գործողություններ դաշտը ներառում է հետևյալ գործառույթները՝

• Խմբագրել
• Դիտել
• Քանակ
• Մանրամասներ
• Ջնջել

‍

Ապրանքի տողում սեղմելով «Խմբագրել» կոճակը, կարող եք կատարել ապրանքի տվյալների հետ կապված փոփոխություններ։

‍

Ապրանքի տողում սեղմելով «Դիտել» կոճակը, կարող եք տեսնել ապրանքին վերաբերող մանրամասները՝

• Ապրանքի գլխավոր նկարը
• Ապրանքի շտրիխ կոդը
• Ապրանքի գինը
• Ապրանքի վերջին խմբագրման ամսաթիվը‍
• Ապրանքի նկարագրությունը
  ‍

Ապրանքի տողում սեղմելով «Քանակ» կոճակը, կարող եք ավելացնել ապրանքների մուտքերի և ելքերի քանակները, ինչպես նաև ընտրել «Առաքիչ» դաշտի ցանկից այն առաքիչներին, որոնց համար ցանկանում եք հասանելի դարձնել ավելացված տվյալները։

‍

Ապրանքի տողում սեղմելով «Մանրամասներ» կոճակը, կարող եք տեսնել կատարված գործողությունների ողջ պատմությունը։

Ապրանքի «Մանրամասն» հատվածում  հնարավորություն ունեք նաև ֆիլտրելու տվյալների ցանկը։ Պատուհանի աջ անկյունում կարող եք ընտրել մենեջերին, պահեստը, ապրանքի տեսակը՝ ըստ մուտքի կամ ելքի, և ըստ ժամանակահատվածի։

‍

Ինչպե՞ս ավելացնել ապրանքներ

Հիմնական մենյուից ընտրեք «Ապրանքներ» բաժինը:

Վերին աջ անկյունում սեղմեք «+ Ավելացնել», ապա ընտրեք «Ավելացնել ապրանք»։

‍

«Ավելացնել ապրանք» ենթաբաժնում աստղանիշով տողերը լրացնելը պարտադիր է:

• Անվանում – մուտքագրեք ապրանքի անունը։
• Միավոր գին – մուտքագրեք ապրանքի գինը։
  
  • Եթե կարգավորումներում լրացված է ԱԱՀ %, համակարգը ավտոմատ կցուցադրի վաճառքի գինը։
  • Ակցիզային հարկ լրացնելու դեպքում այն նույնպես կավելանա գնին։
• Չափման միավոր – ընտրեք ցանկից (նախապես նշված է «Ընդհանուր կարգավորումներում»)
• Զեղչ
• Շտրիխ կոդ – մուտքագրեք ապրանքի շտրիխ կոդը  (առաքիչը կկարողանա հեշտությամբ գտնել ապրանքը համակարգում՝ ընդամենը սկանավորելով ապրանքի շտրիխ կոդը) 
• Նկարագրություն – ավելացրեք ապրանքի մասին կարևոր տեղեկություն (մինչև 255 նիշ)։‍
• Թղթապանակ – անհրաժեշտության դեպքում ընտրեք թղթապանակ՝ ապրանքը տեղափոխելու համար։
  ‍

‍

Կարող եք ավելացնել 1 գլխավոր և մինչև 3 լրացուցիչ նկար։
Ընտրեք գլխավոր նկարը՝ ապրանքների ցանկում տեսանելի լինելու համար։
‍

Սեղմեք «Ստեղծել», որպեսզի պահպանեք ապրանքը։
Սեղմեք «Չեղարկել», եթե ցանկանում եք դուրս գալ առանց պահպանելու։

Ինչպես ավելացնել ապրանքները, եթե ունեք դրանք XLSX ֆորմատով

Հիմնական մենյուից ընտրեք «Ապրանքներ» բաժինը։

Բացված պատուհանի վերին աջ անկյունում սեղմեք «Վերբեռնել» նշանը։

«Վերբեռնել» կոճակի միջոցով կարող եք արագ ներբեռնել Ձեր ապրանքները համակարգ, եթե դրանք առկա են XLSX ֆայլի ձևաչափով։

«Վերբեռնել Ապրանքները» ֆայլից պատուհանում ընտրեք համապատասխան մասնաճյուղը։

Սեղմեք «Ընտրել ֆայլը» (.xlsx) կոճակը և նշեք Ձեր ֆայլը։

Սեղմելով «Ներբեռնել» կոճակը, կարող եք ներբեռնել համակարգ XLSX ֆորմատով ֆայլի օրինակը։

Վերբեռնումը հաստատելու համար սեղմեք «Վերբեռնել» կոճակը։
Գործողությունը չեղարկելու համար սեղմեք «Չեղարկել» կամ X կոճակը։

‍